İKT

“XIDU Tour Pro 12.5” noutbuku təqdim olunub
04 İYUL
120

“XIDU Tour Pro 12.5” noutbuku təqdim olunub

2019-07-04 10:33:00

Texnoloji sektorda populyarlıq qazanan Çinin “XIDU” brendi “Tour Pro 12.5” noutbukunu təqdim edib.
Fins.az xəbər verir ki, “Philbook Max” və “Yoga Philbook” modellərindən sonra buraxılan “XIDU Tour Pro 12.5” noutbuku 8 nəsil “Intel Celeron” çipi ilə tədarük edilir. Bu, hazırda 14 nanometrlik texnoloji proses üzrə hazırlanan ən mükəmməl “Intel” prosessorudur. Yeni noutbuk 8 giqabaytlıq operativ, 128 giqabaytlıq quraşdırılmış və 520 giqabaytadək genişləndirmə imkanı ilə təchiz edilib. Bundan başqa, quraşdırılmış ventilyatorlar qurğuya qızmağa imkan verməyərək maksimum sürətdə uzun müddət işləməni təmin edir.
16,6 mm qalınlıq və 1 kiloqramlıq çəki sayəsində noutbuk səyahətdə, işdə və ya məktəbdə ideal qurğuya çevriləcək. İşıqlandırmaya malik erqonomik klaviatura da istifadə rahatlığını artırır ki, bu da hətta qaranlıqda çapa imkan verir.
Noutbuk toxunuş (Multitouch) dəstəkli 12,5 düym diaqonallı “2K IPS” sensor ekranla təchiz olunub. Perimetr üzrə çərçivənin eni 4,9 mm təşkil edir. Ekran noutbukun üst qapağının 80 faizini əhatə edir.
Bundan əlavə, qurğunun 180 dərəcə açılması ondan planşet kimi istifadəyə imkan verir.

© Materiallardan istifadə edərkən hiperlinklə istinad olunmalıdır