İKT

Smartfonlar üçün “ağıllı” örtük
07 NOYABR
119

Smartfonlar üçün “ağıllı” örtük

2017-11-07 10:44:00

ABŞ Patent və Əmtəə Nişanları İdarəsinin (USPTO) saytında “Samsung” şirkətinin smartfon, fablet və digər qurğular üçün “ağıllı” örtüyə görə patent hüququ əldə etməsi ilə bağlı müraciəti yerləşdirilib.

İdeya “ağıllı” örtük və futlyarları proqramları tez işə salmağa imkan verən düymələrlə təchiz etməkdən ibarətdir. Belə düymələr örtüyün daxili və ya üz tərəfində sensor yerlər rolunda çıxış edəcək.

Fins.az xəbər verir ki, məlumata görə, smartfon və ya fablet örtüyünün əlavə düymələrlə təchiz edilməsi qurğu ekranında adətən telefon kitabçası, kamera və s. kimi tez-tez istifadə olunan əlavə və funksiya piktoqramlarının göstərilməsi üçün ayrılan yerə qənaət etməyə imkan verəcək.

Planşet və ya hibrid portativ kompüter üçün örtükdə isə düymələr qoruyucu aksesuarın üz tərəfində yerləşə bilər. Lazımi sensorlu yeri basmaqla örtüyü açan istifadəçi istədiyi proqramdan dərhal yararlana biləcək.

Bildirilir ki, Cənubi Koreya istehsalçısının patent üçün ərizə ilə bu ilin aprelində müraciət etməsinə baxmayaraq, sənəd “USPTO” saytında indi dərc olunub. Texnologiyanın kommersiya məhsullarında nə vaxt tətbiq ediləcəyi barədə məlumat verilmir.

© Azərtac

© Materiallardan istifadə edərkən hiperlinklə istinad olunmalıdır
+9°C
  • $ USD
    1.7002
  • € EUR
    2.0123
  • ₽ RUB
    0.0291