DÜNYA

Səudiyyə Ərəbistanı neftin qiymətinin yüksəlməsi üçün hasilatı azaltmaq niyyətindədir
09 YANVAR
216

Səudiyyə Ərəbistanı neftin qiymətinin yüksəlməsi üçün hasilatı azaltmaq niyyətindədir

2019-01-09 10:40:00

Səudiyyə Ərəbistanı neftin qiymətinin 80 dollar/barel səviyyəsinə qalxması üçün hasilatı azaltmaq niyyətindədir.

Fins.az Report-a istinadla xəbər verir ki, bu barədə OPEC-dəki mənbələrə istinadən “Wall Street Journal” məlumat verib.

“Səudiyyə Ərəbistanı neftin qiymətini 80 dollar/barel səviyyəsinə qaytarmaq ümidi ilə bu ay hasilatda daha böyükmiqyaslı azalmalara hazırlaşır. Səudiyyə Ərəbistanı neft ixracını ayın sonuna qədər gündəlik 7,1 milyon barelə salmağı planlaşdırır”, – məlumatda deyilir.

Bununla yanaşı, qeyd olunur ki, “Brent” markalı neftin qiyməti orta hesabla 80 dollar/barel səviyyəsinə çatmasa, Səudiyyə Ərəbistanının büdcəsi kəsirli olacaq.

Səudiyyə Ərəbistanının ixrac həcmini ötən ilin noyabr ayındakı səviyyədən sutkalıq 800 min barel azaltmağı planlaşdırdığı bildirilir, bu isə OPEC+ sazişi ilə tələb olunan azalmadan xeyli çoxdur.

Nəşrin məlumatına görə, Səudiyyə Ərəbistanı artıq dekabr ayında əvvəlki ayla müqayisədə hasilatı gündəlik 400 min barel azaldıb, yanvar ayında da bir o qədər azalma olacaq.

© Materiallardan istifadə edərkən hiperlinklə istinad olunmalıdır
  • $ USD
    1.7
  • € EUR
    1.9069
  • ₽ RUB
    0.027