BİRJA

Almaniyanı təmsil edən investorlar qrupunun üzvləri ilə görüş təşkil edilmişdir
08 SENTYABR
89

Almaniyanı təmsil edən investorlar qrupunun üzvləri ilə görüş təşkil edilmişdir

2017-09-08 12:11:00

07 sentyabr 2017-ci il tarixində Bakı Fond Birjasının (BFB) əməkdaşları ilə Almaniyanı təmsil edən investorlar qrupu üzvlərinin Azərbaycana işgüzar səfəri çərçivəsində görüş təşkil edilmişdir.

Görüşdə BFB-nin Biznesin İnkişafı Qrupu rəhbəri Abdulla İsayev Azərbaycanın qiymətli kağızlar bazarının ticarət arxitekturası, səhm və istiqraz, korporativ və dövlət qiymətli kağızları ilə aparılan əməliyyatlar barədə danışaraq, yerli bazarda xarici investorlar üçün yaradılan imkanlardan, eləcədə onların marağına səbəb olacaq kapital bazarı alətləri barədə ətraflı məlumat verdi.

Sonda mövzu ilə bağlı müzakirələr aparılaraq, Almaniyanı təmsil edən investorlar qrupu üzvlərinin sualları cavablandırıldı.

Qeyd edək ki, qadınlardan ibarət olan “DAGOBERTA” investorlar qrupu 2000-ci ildə Almaniyada yaradılmışdır. Qrupun yaradılmasında əsas məqsəd maliyyə sahəsində savadlılığının və biliyin artırılması, kapital bazarında investisiya imkanlarının təhlili və təşviqi, eləcədə maliyyə bazarlarında peşəkar bacarıqların yüksəldilməsinə dəstək göstərməkdən ibarətdir. Əsasən müxtəlif ixtisasalar üzrə fəaliyyət göstərən qrupu 65 üzv təmsil edir.

 

© Materiallardan istifadə edərkən hiperlinklə istinad olunmalıdır
+21°C
  • $ USD
    1.7008
  • € EUR
    2.0342
  • ₽ RUB
    0.0294