BANK

Mərkəzi Bank hərrac məlumatlarını bağladı
12 OKTYABR
1521

Mərkəzi Bank hərrac məlumatlarını bağladı

2016-10-12 14:43:00

Azərbaycanda valyuta hərraclarının nəticələri ilə bağlı ətraflı məlumatların verilməsi dayandırılıb. Belə ki, Azərbaycan Mərkəzi Bankı əvvəlki günlərdən fərqli olaraq oktyabrın 11-də keçirdiyi valyuta hərracında satılan vəsaitin həcmini açıqlamayıb.  Bu barədə Dövlət Neft Fondu da məlumat yaymayıb.

Mərkəzi Bankdan fins.az-a bildirilib ki, bu yenilik, hərracların keçirilməsi qaydalarındakı dəyişikliklə bağlıdır. Belə ki, bundan sonra hərraca çıxarılan və satılan vəsaitlərin məbləğləri hər ayın sonunda açıqlanacaq.

Xatırladaq ki, dünən Mərkəzi Bank Dövlət Neft Fondu ilə birgə növbəti ikitərəfli valyuta hərracı keçirilib. Hərracda  ABŞ dollarının son məzənnəsi 1,5986 manat müəyyən olunub. Hərracda dollara tələbatın nə qədər olduğu ə satılan dollar kütləsi barədə məlumatlar isə açıqlanmayıb. 

© Materiallardan istifadə edərkən hiperlinklə istinad olunmalıdır
+12°C
  • $ USD
    1.7339
  • € EUR
    1.8516
  • ₽ RUB
    0.0272