AVTO

Sabah yollarda "yaşıl dalğa" olacaq-AÇIQLAMA
14 SENTYABR
616

Sabah yollarda "yaşıl dalğa" olacaq-AÇIQLAMA

2016-09-14 12:46:00
Bakı Nəqliyyat Agentliyi sabah gücləndirilmiş iş rejimində fəaliyyət göstərəcək. Agentlikdən fins.az-a verilən xəbərə görə, məqsəd ilk dərs günü xüsusən də səhər saatlarında paytaxt yollarında yarana biləcək avtomobil sıxlığının qarşısını almaq, avto nəqliyyat vasitələrinin təhlükəsiz və intensiv hərəkətini təmin etməkdir.
 
Bunun üçün paytaxtın küçə və prospektlərinə, xüsusən də ali və orta təhsil müəsissələrinin yerləşdiyi ərazilərə nəzarət gücləndiriləcək. Bu ərazilərdə avtomobillərin dayanmaması, sıxlığın və tıxacların yaranmaması üçün svetaforlarda "yaşıl dalğa" tədbiq ediləcək. 
 
Bununla yanaşı səhər saatlarında yarana biləcək sərnişin sıxlığının minimuma endirilməsi və əhalinin təhsil müəsissələrinə, iş yerlərinə vaxtında rahat çatmasını təmin etmək üçün Bakı şəhərində müntəzəm sərnişindaşınma ilə məşğul olan daşıyıcı şirkətlərə xüsusi göstəriş verilib. Göstərişə əsasən sərnişin avtobuslarının hərəkət intervalı mümkün qədər azaldılmalı, zərurət yarandığı halda günün pik saatlarında avtonəqliyyat vasitəsinin sayı artırılmalıdır. 

Bakı Nəqliyyat Agentliyi həmçinin sürücülərdən xahiş edir ki, təhsil müəsissələrinə yaxın, bitişik ərazilərdə avtomobillərin park edilməsi qaydalarına və sürət həddinə ciddi əməl etsinlər.
© Materiallardan istifadə edərkən hiperlinklə istinad olunmalıdır
+12°C
  • $ USD
    1.7339
  • € EUR
    1.8516
  • ₽ RUB
    0.0272