“Azəriqaz” İstehsalat Birliyinin “Açıq mikrofon” aksiyası bu dəfə Bakının Zirə kəndində təşkil olunacaq. İstehlakçıların tərəvəz məhsullarına olan təlabatının əhəmiyyətli hissəsini öz üzərinə götürən bu kəndin istixana sahiblərinin problem və təklifləri dinləniləcək.

Fins.az xəbər verir ki, bu barədə “Azəriqaz” İstehsalat Birliyi məlumat yayımlayıb. 

Məlumata görə,“Səyyar qəbul otağı” sentyabrın 21-də saat 12:00-dan 14:00-a qədər sahibkarların xidmətində olacaq. İstənilən təklif və problemlər yerindəcə aydınlaşdırılacaq və müvafiq qərarlar veriləcək. Əsas məqsəd sahibkarlıq subyektlərinin daha rentabelli olmasını, daha rahat işləməsini, daha dayanıqlı olmasını təmin etməkdir.

Müəllif: Aynur Qəniyeva