Avrozonada biznes aktivliyini ölçən indeks (PMI) aprel ayında 53.2 punktdan 53.7 punkta yüksəlib.

Fins.az xəbər verir ki, mütəxəssislər 52.8 punkta kimi azalma proqnozlaşdırırdılar. Bu haqda məlumatı Markit araşdırma mərkəzi paylaşıb. Bununla da göstərici avqust ayından sonra ən yüksək səviyyəsinə çatıb. 

Biznes fəaliyyəti indeksi (PMI) müvafiq sektorunda fəaliyyət göstərən menecerlərin aktivlik səviyyəsini ölçür. 50-dən yuxarı olan göstərici istehsalın artımı haqqında, 50-dən aşağı olan göstərici isə azalma haqqında işarədir. İndeks ölkədə iqtisadi rifahının ölçülməsi üçün istifadə edilir. İndeks 5 əsas subindeks əsasında hesablanır: Sifariş (30%), İstehsal (25%), Məşğulluq (20%), Təchizat qəbulu (15%) und Anbarda qalıq (10%). 

Qeyd etmək lazımdır ki, göstəricinin ehtimal ediləndən az azalması, gələcəyə dair nikbinliyi artırsa da, bu, dayanıqlı olmaya bilər.