TƏHSİL

Yaxşıdan mükəmmələ gedən yol
28 MART
635

Yaxşıdan mükəmmələ gedən yol

2018-03-28 13:03:00

Sizcə necə sıradan bir şitkət deyil, mükəmməl bir şirkət qurmaq olarwww.readit.az saytına yeni əlavə olunmuş qısa məzmun məhz bu sualın cavabını verir. Mövzumuz Yaxşı liderdən mükəmməl liderə, yaxşı şirkətdən mükəmməl şirkətə çevrilməyin yolları haqqındadır. Məqaləni hazırlayarkən Cim Kolins tərəfindən yazılmış və saytımızda qısa məzmunu yerləşdirilmiş“Yaxşıdan mükəmmələ” kitabının bəzi fraqmentlərinə əsaslanmağa qərar verdik. Qeyd edək ki, bu möhtəşəm kitab bu günə qədər azərbaycan dilinə tərcümə edilməyib

Müəllifin fikrincə, uğurlu şirkətlərin tədqiqi nəticəsində əldə edilən ən maraqlı nəticələrdən biri yaxşı şirkəti mükəmməl şirkətə çevirmək üçün lazım olan liderlik növünün kəşf edilməsidir. O, bu məqsədlə 5-ci səviyyə liderlikdən bəhs edir və bu səviyyələri aşağıdakı kimi təsvir edir:

Səviyyə 5 lideri

Bu səviyyədə olan liderlər dözümlülüklərini təkmilləşdirmək üçün fərdi təvazökarlıq və peşə iradəsindən birlikdə istifadə edir.

Səviyyə 4 – Effektiv Lider

Bu səviyyədə olan liderlər yüksək fəaliyyət standartlarını stimullaşdırır, aydın və cəlbedici bir baxış bucağına sadiq qalmağı və effektiv cəhdləri birləşdirir.

Səviyyə 3 - Səlahiyyətli rəhbər

Səlahiyyətli rəhbər rolunda olan liderlər insanların və mənbələrin müəyyən olunmuş məqsədləri effektiv və səmərəli formada reallaşdırmasına kömək edir.

Səviyyə 2 - Töhfə verən komanda üzvü

Bu lider fərdi bacarıqları vasitəsilə qrupun hədəflərinə nail olmasına kömək edir və qrupdakı digər insanlarla səmərəli şəkildə işləyir.

Səviyyə 1 – Yaxşı uyğunlaşan fərd

Bu səviyyədəki lider öz istedad, bilik, bacarıq və yaxşı iş vərdişləri ilə şirkətin fəaliyyətinə məhsuldar töhfələr verir.

Müəllif həmçinin, qeyd edir ki, bütün yaxşıdan mükəmmələ şirkətlərinin hamısı mövcud həqiqətləri qəbul edərək inkişaf etmək üçün bir yol tapmağa başlayıblar. Hər hansı bir şirkət vəziyyəti müəyyən etmək üçün ciddi formada və səylə çalışırsa, o zaman düzgün qərarlar tez-tez özünü göstərir. Bundan başqa, yaxşıdan mükəmmələ şirkətləri orta səviyyəli müəssisələrə nisbətən texnologiya və texnoloji dəyişikliklər barədə fərqli düşünürlər. Texnologiya düzgün istifadə edildikdə inkişafın sürətləndiricisi kimi çıxış edir. Kolinsin fikrincə, mükəmməl şirkətə çevrilmək üçün yüksək texnologiyalardan çox, düzgün insanlarla işləməyə ehtiyac var. O, bu məsələnin əhəmiyyətini konkret nümunələrlə göstərir.

Müəllif kitabda eyni zamanda, müxtəlif nəzəriyyələrdən və praktiki təlimatlardan bəhs edir, sizə öz vəziyyətinizi müəyyənləşdirməkdə yol göstərir. Bundan başqa kitabda “Kirpi nəzəriyyəsi” adlı yeni nəzəriyyədən bəhs edir və praktiki istifadə yolları göstərir.

Siz də çalışın ki, öz işinizdə sıradan deyil, mükəmməl olasınız 

© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    1.9267
  • ₽ RUB
    0.0258