SOSİUM

Azərbaycanda baş mühasiblər sertifikatlar əldə etməli olacaqlar
29 OKTYABR
310

Azərbaycanda baş mühasiblər sertifikatlar əldə etməli olacaqlar

2018-10-29 16:31:00

Nazirlər Kabineti baş mühasiblərin peşəkar mühasib sertifikatlarını əldə etməsi müddətlərini müəyyən edib.

Fins.azz-ın məlumatına görə, Nazirlər Kabineti bununla bağlı "Paylarının (səhmlərinin) nəzarət zərfi dövlətə məxsus olan hüquqi şəxslərin, qiymətli kağızları fond birjasında dövriyyədə olan hüquqi şəxslər istisna olmaqla, digər ictimai əhəmiyyətli qurumların, iri sahibkarlıq subyektlərinin, büdcə təşkilatlarının və illik maliyyə hesabatlarını və ya birləşdirilmiş (konsolidə edilmiş) maliyyə hesabatlarını dərc edən publik hüquqi şəxslərin baş mühasibləri tərəfindən peşəkar mühasib sertifikatının əldə edilməsinin müddətlərinin və ardıcıllığının müəyyən edilməsi haqqında" qərar verib.

Eləcə də bax:İki iclasda 57 məsələ müzakirə olunacaq

Qərarda paylarının (səhmlərinin) nəzarət zərfi dövlətə məxsus olan hüquqi şəxslərin, qiymətli kağızları fond birjasında dövriyyədə olan hüquqi şəxslər istisna olmaqla, digər ictimai əhəmiyyətli qurumların, iri sahibkarlıq subyektlərinin, büdcə təşkilatlarının və illik maliyyə hesabatlarını və ya birləşdirilmiş (konsolidə edilmiş) maliyyə hesabatlarını dərc edən publik hüquqi şəxslərin baş mühasibləri tərəfindən peşəkar mühasib sertifikatının əldə edilməsi müddətləri müəyyən edilib.

Qərara uyğun olaraq, illik maliyyə hesabatlarını və ya birləşdirilmiş (konsolidə edilmiş) maliyyə hesabatlarını dərc edən publik hüquqi şəxslərin baş mühasibləri 2021-ci il 30 dekabradək, iri sahibkarlıq subyektlərinin baş mühasibləri 2022-ci il 30 dekabradək, paylarının (səhmlərinin) nəzarət zərfi dövlətə məxsus olan hüquqi şəxslərin baş mühasibləri 2022-ci il 30 dekabradək, qiymətli kağızları fond birjasında dövriyyədə olan hüquqi şəxslər istisna olmaqla, digər ictimai əhəmiyyətli qurumların baş mühasibləri 2022-ci il 30 dekabradək sertifkat almalıdırlar.

Büdcə təşkilatlarına gəldikdə, mərkəzləşdirilmiş xərclərdən maliyyələşdirilən büdcə təşkilatlarının baş mühasibləri 2021-ci il 30 dekabradək, yerli xərclərdən maliyyələşdirilən büdcə təşkilatlarının baş mühasibləri 2022-ci il 30 dekabradək sertifikat almalıdırlar.

©Trend

© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    1.9267
  • ₽ RUB
    0.0258