SOSİUM

Gözünüz səmada olsun - Ulduz yağışı olacaq
06 AVQUST
180

Gözünüz səmada olsun - Ulduz yağışı olacaq

2018-08-06 11:08:00

Planetimizin sakinləri möhtəşəm astronomik fenomenin şahidi olacaqlar. Belə ki, Trend-in məlumatına görə, avqustun 12-dən 13-nə keçən gecə Perseida meteorit axını maksimal fəallığı ilə seçiləcək.

Qeyd edək ki, sözügedən meteorit axını hər il 17 iyul - 24 avqust tarixlərində baş verir. Adətən onların fəallığının pik dövrü 9-13 avqust tarixlərinə təsadüf edir.

Bu ecazkar astronomik hadisə zamanı planetimizin sakinləri keçən ildən fərqli olaraq, iki dəfə çox “düşən ulduz” görəcəklər. Belə ki, ötən il gecə səmasında müşahidə olunan meteoritlərin sayı saatda 80 meteorit idisə, cari ildə bu orta hesabla saatda 160 meteorit görmək mümkün olacaq.

Ulduz yağışını gecə yarısından günəş doğana kimi müşahidə etmək mümkündür.

Xatırladaq ki, ötən il oktyabrda da meteor axını baş vermiş, meteor axını zamanı saatda 15-20 ulduz yağışı müşahidə edilmişdi.

© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    2.0024
  • ₽ RUB
    0.0256