SOSİUM

Gömrük Komitəsi "bir pəncərə" sistemini təkmilləşdirmək məqsədilə pilot layihə həyata keçirir
03 AVQUST
132

Gömrük Komitəsi "bir pəncərə" sistemini təkmilləşdirmək məqsədilə pilot layihə həyata keçirir

2018-08-03 14:07:00

Dövlət Gömrük Komitəsi (DGK) Biləsuvar Gömrük İdarəsinin "Qoşa Təpə" gömrük postunda "bir pəncərə" sistemini təkmilləşdirmək məqsədilə pilot layihə həyata keçirir.

Fins.az xəbər verir ki, bu barədə Dövlət Gömrük Komitəsinin Fəaliyyətin Qiymətləndirilməsi və İnkişaf Proqramları Baş İdarəsinin Texnoloji İnnovasiyalar İdarəsinin rəisi Azər Abbasov deyib.

O bildirib ki, "Qoşa Təpə" gömrük postunda "bir pəncərə" sistemini təkmilləşdirmək üçün "bir inspektor - bir nəqliyyat vasitəsi" layihəsinə başlanılıb. Layihənin mahiyyəti ondan ibarətdir ki, burada vətəndaş bir inspektor ilə təmasda olur. Belə ki, digər gömrük postlarında tətbiq edilən "bir pəncərə" sistemində bir neçə gömrük işçisi öz sahəsi üzrə vətəndaşa xidmət göstərirsə, "Qoşa Təpə" gömrük postunda bir əməkdaş bütün sahələr üzrə vətəndaşa xidmət göstərir.

A.Abbasov qeyd edib ki, tətbiq edilən pilot layihə nəticəsində bir şəxsin "bir pəncərə" sistemindən keçmə müddəti 5 dəqiqəyədək azalıb.

© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    1.9852
  • ₽ RUB
    0.0255