SOSİUM

Azərbaycan Müəllim İnkişafı Mərkəzi Kembric Peşəkar İnkişaf Mərkəzi kimi akkreditasiyadan keçib
12 İYUN
275

Azərbaycan Müəllim İnkişafı Mərkəzi Kembric Peşəkar İnkişaf Mərkəzi kimi akkreditasiyadan keçib

2018-06-12 12:28:00
Kembric Universitetinin bölməsi olan Kembric Beynəlxalq Təhsil üzrə Qiymətləndirmə (Cambridge Assessment International Education), Azərbaycan Müəllim İnkişafı Mərkəzinin (AMİM) Kembric Peşəkar İnkişaf Mərkəzi kimi akkreditasiyadan keçdiyini bəyan edib.
AMİM müəllimlərə İngiltərə, Uels və Şimali İrlandiya üçün mövcud olan Tədris və Öyrənmə və İkidilli şəxslərin Tədrisi üzrə Ali Təhsil Kvalifikasiyası üçün meyarların 4-cü və 5-ci Səviyyəsində Peşəkar İnkişaf Kvalifikasiyası (Prfessional Development Qualifications) - Sertifikat və Diplom Proqramlarında iştirak etmək imkanı təqdim edəcək. Kembric Peşəkar İnkişaf Kvalifikasiyası (Professional Development Qualifications) Sertifikatları 4-cü Səviyyədə 60, Diplom isə 5-ci səviyyədə 60 akademik kreditə malikdirlər.
Peşəkar İnkişaf Kvalifikasiyaları Proqramları (Professional Development Qualifications Programmes), təkcə mükəmməl tələbə öyrənməsini deyil, həm də müəllimlərin davamlı peşəkar inkişafı və öyrənməsinə dəyər və dəstək verərək onların bir ömür boyu öyrənənələrə çevrilməsini
dəstəkləyir.
Kembric Peşəkar İnkişaf Kvaifikasiyaları proqramı ərzində müəllimlər müvafiq təhsil düşüncəsi və ən yaxşı beynəlxalq təcrübələrə tənqidi şəkildə yanaşacaq, öz tədris təcrübələrinə yeni fikirlər və yanaşmalar tətbiq edəcəklər. Gələcək inkişafı planlaşdırmaq və tələbələrin öyrənməsinin keyfiyyətini yaxşılaşdırmaq üçün təcrübə və nəticələr haqqında fikir mübadiləsi aparacaqlar.
Proqram 3 tədris modulundan ibarətdir – Sertifikat bir modulu, Diplom isə əlavə daha 2 modulu əhatə edir. Hər bir modul Təlimatlı təlim, Fərdi təhsil və İş əsaslı öyrənmədən ibarətdir. Hər modul üçün 4 ay ərzində 120 saatlıq təlim və hazırlıq tələb edir.

Yeni tədris ilində Kembric Peşəkar İnkişaf Kvalifikasiyaları (Cambridge Professional Development Qualifications) proqramına qoşulmaq istəyən müəllimlər daha ətraflı məlumat üçün Azərbaycan Müəllim İnkişafı Mərkəzinə müraciət etməlidirlər - [email protected]

© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    2.0024
  • ₽ RUB
    0.0256