SIĞORTA

Bakıda sığorta ilə bağlı daha bir toplantı keçirilib
03 APREL
246

Bakıda sığorta ilə bağlı daha bir toplantı keçirilib

2019-04-03 14:31:00

Bakıda Caspian European Club-un sığorta üzrə komitəsinin toplantısı keçirilib. Fins.az xəbər verir ki, iclasda sığorta üzrə Komitənin rəhbəri Anar Bayramovun sədrliyi ilə sahə problemləri, həmçinin Caspian European Cluba üzv şirkət rəhbərlərinin Azərbaycanın sığorta sektorunun inkişafı üzrə təklifləri müzakirə olunub.

İclasın sonunda hazırlanmış xüsusi hesabat Azərbaycan Respublikasının Prezidenti İlham Əliyevə və Birinci Vitse-prezident Mehriban Əliyevaya göndəriləcək.

Qeyd edək ki, Caspian European Club həmçinin aprel-may aylarında geniş formatda Klub üzvləri ilə görüşmək, şirkətlərin təkliflərini dinləmək və bank və siğorta sektorlarının işinin yaxşılaşdırılmasına dair aktual suallara cavab vermək xahişi ilə Azərbaycan Respublikasının Maliyyə Bazarlarına Nəzarət Palatasının baş icraçı direktoru İbrahim Alışova müraciət edib.

Sıralarında dünyanın 70 ölkəsindən olan 5 mindən artıq şirkət və təşkilatı birləşdirən Caspian European Club 2002-ci ilin iyununda Xəzər-Qara dəniz regionunda fəaliyyət göstərən nəhəng neft-qaz şirkətlərinin dəstəyi və Caspian Energy International Media Group-un fəal iştirakı ilə yaradılıb. Caspian European Club-un yaradıcısı və ilk Sədri Azərbaycan Respublikasının Prezidenti Zati-aliləri cənab İlham Əliyevdir.

 

© Materiallardan istifadə edərkən hiperlinklə istinad olunmalıdır
  • $ USD
    1.7
  • € EUR
    1.902
  • ₽ RUB
    0.0265