ƏRZAQ SƏBƏTİ

Alıcılar ərzaq seçərkən nələrə üstünlük verir?
13 İYUL
46

Alıcılar ərzaq seçərkən nələrə üstünlük verir?

2018-07-13 10:45:00

Qida sahəsi üzrə ixtisaslaşmış “ACT Azərbaycan” Bakıda ərzaqla bağlı növbəti sorğu keçirib. Sorğu nəticəsində məlum olub ki, əhali ərzaq alarkən ən çox onun istehsal tarixinə diqqət edir. Respodentlərin 44%-i seçimini buna əsasən etdiyini bildirir.

Məhsulun tərkibi də paytaxtlıların seçimində vacib amildir (31 %). Maraqlıdır ki, digər amillərin göstəriciləri sorğu liderlərindən qat-qat aşağıdır.

Belə ki, ərzağın qiyməti 5%, təravətliliyi isə 3 % səs toplayıb. Məhsulun istehsal yeri, hansı brendə məxsusluğu və dadı 2% respondentin vacib bildiyi amillərdir. Halallıq faktoru ən sonuncudur (1 %).

Rəyi öyrənilən hər on nəfərdən biri isə ərzaq alarkən hansı amillərə fikir verdiyindən xəbərsizdir (10%).

Sorğu 2-7 may tarixlərində Bakı şəhərində 400 respondent arasında telefon vasitəsilə həyata keçirilib.

Sorğu nəticələrinin yanlışlıq həddi maksimum 4.9 %-dir.

Beləliklə, cavabların tam siyahısını təqdim edirik:

Ərzaq seçimində hansı amillərə fikir verirsiniz ?

İstehsal tarixi – 44%

Tərkibi – 31 %

Bilmirəm – 10%

Qiymət – 5 %

Təravətlilik – 3%

İstehsal məkanı – 2 %

Brend olması – 2 %

Dadı – 2 %

Halal olması – 1 % (Foodinfo.az)

Eləcə də bax: Kənd Təsərrüfatı Nazirliyinin rəsmisi: “Bu toyuqları alıb yeməyin!” - XƏBƏRDARLIQ

© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    1.9817
  • ₽ RUB
    0.0273