KADR İŞİ

İşçilərə görə ödənilən yemək xərcləri ilə bağlı ciddi dəyişiklik
03 YANVAR
575

İşçilərə görə ödənilən yemək xərcləri ilə bağlı ciddi dəyişiklik

2019-01-03 11:26:00

Bu barədə Milli Mühasiblər Forumunun seminarında eksperti (MKS.az saytının), sərbəst auditor Altay Cəfərov “Sosial sığorta haqqında” Azərbaycan Respublikasının Qanununa edilən mühum dəyişikliklər haqqında məlumat verib: “Qanunun “Məcburi dövlət sosial sığorta haqqı hesablanan gəlir növləri” adlı 15-ci maddəsinə edilən dəyişikliyə diqqətinizi yönəltmək istəyirəm.

Qüvvədə olan qanunvericiliyə əsasən, təşkilatda çalışan işçinin yemək xərcləri üçün ödənişlər üzrə sosial sığorta hesablanması həyata keçirilməli idi. Bu məqsədilə ödənilən xərc məbləği işçinin gəliri hesab edilir. Bu zaman boşluq yaranırdı ki, təşkilat öz mənfəəti hesabına işçisini yeməklə təmin edirsə, niyə həmin məbləği sosial ayırma hesablanmalıdır. Artıq yeni dəyişiklikdən sonra bu boşluq aradan qaldırıldı. “Sosial Sığorta haqqında” Qanuna edilən əlavəyə əsasən, sığortaedənin işçilərinin yeməklə təmin edilməsi ilə bağlı üçüncü tərəfə ödədiyi vəsaitə sosial sığorta haqqı hesablanmayacaq. Bu cür ödənişlər nəğdsiz olaraq aparılmalıdır.”

© Banker.az

© Materiallardan istifadə edərkən hiperlinklə istinad olunmalıdır
  • $ USD
    1.7
  • € EUR
    1.9288
  • ₽ RUB
    0.0264