İKT

"Telegram": "AppStore" bizi bloklayıb
30 MAY
251

"Telegram": "AppStore" bizi bloklayıb

2018-05-30 16:38:00

"Apple" şirkəti artıq yarım aydır "Telegram" messencerini bloklayıb.

Fins.az  bu barədə messencerin tərtibatçıları bildiriblər.

Onların sözlərinə görə, hazırda "AppStore"da "Telegram" əlavəsini yükləmək olur, lakin onun yenilənməsi baş vermir. "Android" üçün yenilənmələrdə isə hələlik hansısa problem baş vermir.

Qeyd edək ki, Rusiyanın rabitə, informasiya texnologiyaları və kütləvi kommunikasiyalara nəzarət üzrə Federal Xidməti ("Roskomnadzor") "Apple" şirkətinə məktub göndərib. İKT.lent.az-ın Gazeta.ru-ya istinadən xəbərinə görə, məktubda "Apple"ə təklif olunur ki, "AppStore" onlayn mağazalar şəbəkəsindən "Telegram" messsencerini silsin. Eyni zamanda şirkətdən Rusiya ərazisində olan "Telegram" istifadəçilərinə push-bildirişlər göndərməmək tələb olunub.

"Roskomnadzor" "Apple"i görülən tədbirlər barədə ən qısa vaxtda məlumat verməyə çağırıb. Əks halda, "AppStore"un fəaliyyətini poza biləcək addımlarla üzləşəcəyini nəzərə çatdırıb.

Xatırladaq ki, “Telegram” məhkəmə qərarı ilə Rusiya ərazisində bloklanıb. Səbəb messencerin Rusiya kəşfiyyatı ilə əməkdaşlıqdan imtina etməsidir.

© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    1.9230
  • ₽ RUB
    0.0255