ƏMLAK

Hövsanda tikiləcək nəhəng kompleksin 1 binası bu şirkətə həvalə olundu
07 MAY
476

Hövsanda tikiləcək nəhəng kompleksin 1 binası bu şirkətə həvalə olundu

2018-05-07 12:05:00

"NN Group" MMC Hövsan qəsəbəsində 7 mərtəbəli yaşayış binasının tikintisi üzrə “MIDA” MMC-nin elan etdiyi tenderin qalibi olub. Bu barədə MIDA-dan məlumat verilib.

 "NN Group" şirkəti ilə müvafiq saziş imzalanıb.

  “NN Group” MMC Yasamal Yaşayış Kompleksində də 5 yaşayış binasının (qeyri-yaşayış sahələri ilə birlikdə) tikintisi üzrə tenderin qalibi olmuşdu.

 Sosial mənzillərin tikintisi layihəsi çərçivəsində Hövsan qəsəbəsində ikinci yaşayış kompleksi inşa olunacaq. Şəhərcik çoxmənzilli 11 yaşayış binasından ibarət olacaq. Bunlardan yeddisinin yeddimərtəbəli on səkkiz girişli, dördünün isə onmərtəbəli bir girişli olması nəzərdə tutulur. Bu binalarda, ümumilikdə, 3002 mənzil olacaq ki, onlardan 280-nin birotaqlı, 1481-nin ikiotaqlı, 940-nın üçotaqlı, 301-nin isə dördotaqlı olması planlaşdırılır. Birotaqlı mənzillərin sahəsi təqribən 32-35 kvadratmetr, ikiotaqlı mənzillərin sahəsi təqribən 51-54 kvadratmetr, üçotaqlı mənzillərin sahəsi 64-68 kvadratmetr, dördotaqlı mənzillərin sahəsi isə 79-86 kvadratmetr təşkil edəcək. Bütün mənzillər tam təmirli vəziyyətdə və mətbəx mebeli ilə təchiz olunmuş şəkildə vətəndaşlara təklif olunacaq.

 Kompleksdə çoxmənzilli binalarla yanaşı, insanların rahat yaşayışı üçün zəruri olan hər cür şəraitin yaradılması, geniş həyətlərin, yaşıllıq zonalarının, uşaq meydançalarının, sosial infrastruktur obyektlərinin tikintisi aparılacaq. Ərazidə hər biri 260 yerlik olmaqla iki uşaq bağçasının, 1920 şagird yerlik ümumtəhsil məktəbinin, ticarət mərkəzinin və xəstəxananın istifadəyə verilməsi nəzərdə tutulur.

 Hövsan Yaşayış Kompleksi 2017-ci ilin fevral ayında “MİDA” MMC-yə ayrılmış Hövsan qəsəbəsinin qərb hissəsində yerləşən 20 hektarlıq torpaq sahəsində inşa olunacaq. Ayrılmış torpaq sahəsi Zığ-Aeroport avtomagistralı ilə Hövsan qəsəbəsi arasında yerləşir.

 © “İnterfaks-Azərbaycan” 

© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    1.9479
  • ₽ RUB
    0.0259