ƏMLAK

Bakıda torpaq neçəyədir? – QİYMƏTLƏR
19 MAY 2017
2095

Bakıda torpaq neçəyədir? – QİYMƏTLƏR

2017-05-19 15:32:00

Son zamanlar torpaq sahələrinin alışında bir qədər azalma müaşihidə olunur. Fins.az-a açıqlama verən əmlak məsələləri üzrə ekspert Nüsrət İbrahimov Bakıda yerləşən torpaq sahələrinin qiymətlərində 3.14% enmə  olduğunu bildirib.

Ekspertin sözlərinə görə, adətən aprel may aylarında torpaq sahələrinə olan tələbat artır. Amma ötən ilin analoji dövrü ilə müqayisədə bu il tələb azdır. N.İbrahimov qiymətlərin azalmasına səbəb kimi bahalı obyektlərin satışa çıxarılmamasıdır.

Qeyd edək ki, ən bahalı torpaq sahələri 1-ci zonadadır. Bu zonanın sərhədləri Əl Oyunları Stadionundan başlayaraq, şimal-şərq istiqamətində Mikayıl Hüseynov prospekti üzrə Azneft meydanına qədər,  Azneft meydanından Niyazi küçəsi ilə İstiqlaliyyət küçəsinin kəsişməsinədək, İstiqlaliyyət küçəsi üzrə Hüsü Hacıyev küçəsi ilə kəsişənədək, Hüsü Hacıyev küçəsi üzrə Nizami küçəsi ilə kəsişənədək, Nizami küçəsi üzrə şərq istiqamətində Rixard Zorge küçəsi ilə kəsişənədək, Rixard Zorge küçəsi üzrə cənub istiqamətində küçənin dənizin sahil xətti ilə kəsişməsinədək, sahil xətti üzrə qərb istiqamətində Əl Oyunları stadionunadəkdir.  1-ci zonada 1 sot torpağın qiyməti isə 147 410 dollardır.

Ən ucuz zona isə 9.2-ci zona hesab edilir. Burada torpağın qiyməti 1 sot üçün 3 368 dollar təşkil edir. Həmin  zonanın sərhədləri Suraxanı rayonunun Əmircan və Bülbülə qəsəbələrini və  rayonun digər zonalara düşməyən ərazilərini əhatə edir.

Zonalara görə torpaqların qiymətini təqdim edirik:

1-ci zona – 147 410 dollar

2-ci zona – 124 506 dollar

3-cü zona - 108 105 dollar

4-cü zona - 105 112 dollar

5-ci zona – 100 059 dollar

6.1-ci zona - 63 286 dollar

6.2-ci zona – 49 020 dollar

6.3-cü zona – 17 635 dollar

7-ci zona – 45 760 dollar

8-ci zona - 17572 dollar

9.1-ci zona  - 32 758 dollar

9.2-ci zona – 3 368 dollar

9.3-cü zona – 4 265 dollar

10.1-ci zona – 19 542 dollar

10.2-ci zona - 4 345 dollar

10.3-cü zona – 3 121 dollar

11-ci zona – 3 924 dollar

12-ci zona – 4 051 dollar

13-cü zona – 6 389 dollar

© Materiallardan istifadə edərkən hiperlinklə istinad olunmalıdır