ƏMLAK

Pavilyon 12 min manata satışa çıxarıldı – ÖZƏLLƏŞDİRMƏ
27 OKTYABR
345

Pavilyon 12 min manata satışa çıxarıldı – ÖZƏLLƏŞDİRMƏ

2016-10-27 09:56:00

Xəbər verdiyimiz kimi, Əmlak Məsələləri Dövlət Komitəsi noyabrın  15-də növbəti əmlak hərracı keçirəcək. Fins.az xəbər verir ki, həmin gün respublikanın ayrı-ayrı rayonlarında yerləşən 11 kiçik müəssisə və obyekt özəlləşdirilməyə çıxarılacaq. Onların sırasında kafelər, dükan, qeyri-yaşayış sahələri, kiçik sexlər, mağazalar var.  

Hərraca çıxarılan obyektlərdən biri də Bakı şəhəri, Nəsimi rayonu, Ə.Topçubaşov küçəsi, 125/127 ünvanında 134 saylı pavilyondur. Obyekt yerləşdiyi torpaq  sahəsi ilə birgə satılacaq. İlkin satış qiyməti 12 750 manat   müəyyən edilib. Hərracda iştirak etmək istəyən şəxslər obyektin dəyərinin 10%-i  məbləğində  beh ödəməlidirlər.

Pavilyonun ümumi torpaq sahəsi 13.9 kv.metr, faydalı sahəsi isə 13,1 kv metrdir. 1 mərtəbəli ayrı tikilidən ibarətdir. İn diyədək obyektin cəmi 1 nəfər işçisi   var. Heç bir   debitor borcu yoxdur,     cəmi 267 manat kreditor borcu qalıb.

Hərraclarda iştirak etmək üçün müvafiq hərrac komissiyasına aşağıdakı sənədlər hərracın başlanmasına ən geci 3 bank günü qalanadək təqdim olunmalıdır:

1. Sifarişçinin şəxsiyyətini təsdiq edən sənəd (hüquqi şəxslər üçün: qeydiyyat şəhadətnaməsi, nizamnaməsi və VÖİN).

2. Əmlak Məsələləri Dövlət Komitəsi tərəfindən təsdiq edilmiş formada sifariş.

3. Əmlak Məsələləri Dövlət Komitəsi tərəfindən müəyyən edilmiş hesaba behin köçürülməsini təsdiq edən sənəd.

Qeyd edək ki, hərraclar respublikanın şəhər və rayonlarında müvafiq yerli hərrac komissiyaları tərəfindən keçiriləcəkdir.

Bakı şəhəri üzrə:
Əmlak Məsələləri Dövlət Komitəsinin İnformasiya Texnologiyaları və Məlumat İdarəetmə Mərkəzində
ünvan:( AZ1029, Bakı şəhəri, Heydər Əliyev prospekti, 139A)

Sumqayıt şəhəri üzrə: 
ünvan: Sumqayıt şəhəri, 18-ci məhəllə, bina 4/12, əlaqə telefonu: (kod 01865) 4-47-97, 5-38-80

Hərracların keçirilməsi haqqında əlavə məlumatları Hərracların Təşkili üzrə Auksion Mərkəzindən və Əmlak Məsələləri Dövlət Komitəsinin Dövlət əmlakının özəlləşdirilməsi və icarəyə verilməsi şöbəsindən almaq olar.

© Materiallardan istifadə edərkən hiperlinklə istinad olunmalıdır
+12°C
  • $ USD
    1.7369
  • € EUR
    1.8625
  • ₽ RUB
    0.0272