DÜNYA

OPEC anlaşması tədricən sona çata bilər
07 İYUL
445

OPEC anlaşması tədricən sona çata bilər

2017-07-07 15:24:00

 OPEC və ona üzv olmayan ölkələrin neft hasilatını azaltması barədə anlaşmadan yumşaq şəkildə ayrılması lazımdır və bu ideya anlaşma iştirakçısı olan bəzi ölkələr tərəfindən dəstəklənir. 

Fins.az xəbər verir ki, bunu Rusiyanın energetika naziri Aleksandr Novak Rusiyanın "Interfax" agentliyinə müsahibəsində bildirib. Nazir qeyd edib ki, bu məsələ iyulun 24-də keçiriləcək neft hasilatçısı ölkələri neft nazirlərinin iclasında müzakirə edilə bilər.

"Neftin son günlərdə ucuzlaşmasına baxmayaraq,  hesab edirik ki, OPEC anlaşması effektivdir. Dünya neft ehtiyatlarının tədricən azaldığı müşahidə olunur. Ona görə də 25 may anlaşmasının parametrlərindən kənara çıxmağa lüzum görmürük", - A.Novak əlavə edib.

Rusiyalı nazir bildirib ki, qısamüddətli dalğalanmalara reaksiyanın verilməsi neft bazarına yanlış siqnallar ötürə bilər.

Qeyd edək ki, OPEC və ona üzv olmayan ölkələrin neft hasilatının azaldılması barədə anlaşması 2018-ci il martın 31-dək qüvvədədir. Anlaşmanın məqsədi dünya neft ehtiyatlarını 5 illik orta səviyyəyə çatdırmaqdır.

© Report

© Materiallardan istifadə edərkən hiperlinklə istinad olunmalıdır
+30°C
  • $ USD
    1.7008
  • € EUR
    2.0342
  • ₽ RUB
    0.0294