BİZNES

Elektron qaiməni necə ləğv etmək olar?
14 İYUL
411

Elektron qaiməni necə ləğv etmək olar?

2017-07-14 12:51:00

Yanlış göndərilən elektron qaimə-fakturaların ləğvi məsələsi gündəmə gəlib. Vergilər Nazirliyinin mütəxəssisləri bu məsələyə aydınlıq gətirib. Fins.az xəbər verir ki, elektron qaimə-fakturada alıcının VÖEN-i səhv göstərildikdə, elektron qaimə-faktura ləğv edilir. Bu barədə məlumat vergi ödəyicisinin e-qutusuna ötürülür. Alıcının elektron qutusu olmadıqda isə çap edilərək birbaşa təqdim edilir.

Elektron qaimə-fakturanın ləğv edilməsi barədə məlumat göndərildikdən sonra elektron qaimə-faktura üzərində düzəliş aparıla bilməz, yalnız ləğv olunub yenisi yaradılmalıdır. Belə halda alıcı vergi ödəyicisinə - satıcıya müraciət edərək, təqdim olunmuş elektron qaimə-fakturanın ləğvini xahiş edə bilər və bu zaman ləğvetməni satıcı həyata keçirir.

Satıcı vergi ödəyicisi göndərdiyi istənilən e-qaimə-fakturanı ləğv edə bilər. Bunun üçün o, “Göndərdiklərim” qovluğundakı ləğv etmək istədiyi e-qaimə-fakturanın üzərinə 2 dəfə klik edir. Sonra açılan pəncərədə “Qaiməni ləğv et” düyməsini sıxır və əməliyyatı təsdiqləmək üçün ləğvetmə səbəbini daxil edir və Qəbul düyməsini basır. Sonda əməliyyat, gücləndirilmiş elektron imza vasitəsilə təsdiqlənir.

Nəticədə, e-qaimə-faktura ləğv edilir, onun vəziyyəti həm satıcı, həm də alıcı tərəfdə (“Gələnlər” qovluğunda) “Ləğv olunub” kimi əks olunur və sətrin rəngi qırmızıya çevrilir.

© Materiallardan istifadə edərkən hiperlinklə istinad olunmalıdır
+27°C
  • $ USD
    1.7012
  • € EUR
    1.9856
  • ₽ RUB
    0.0286