BİZNES

Mühasiblərə sertifikat verilməsi qaydası dəyişəcək
10 NOYABR
239

Mühasiblərə sertifikat verilməsi qaydası dəyişəcək

2016-11-10 10:52:00

Gələn ilin ikinci yarısından Azərbaycanda Mühasiblərin Peşəkar Sertifikasiyasının (MHP) ikinci səviyyə imtahanları keçiriləcək. Bu barədə Azərbaycan Risk Peşəkarları Assosiasiyası (ARPA) Müşahidə Şurasının sədri Rüfət Mahmud Bakıda keçirilən mühasiblər forumunda çıxış edərkən bildirib.

"Mühasiblərin Peşəkar Sertifikasiyasının 1-ci səviyyəsi maliyyə uçotu, idarəetmə uçotu və vergi uçotunun özündə əks etdirən 3 imtahandan ibarətdir. Bunlar uçotun əsasları sayılır. İkinci səviyyəyə isə maliyyə hesabatları, fəaliyyətin idarə edilməsi, audit və əminlik və maliyyə menecmenti olmaqla 4 imtahan daxildir. Bunlar peşəkar səviyyə deməkdir", - deyə R.Mahmud əlavə edib. 

Eləcə də bax: Ölkənin mühasibləri Bakıya toplaşıb

Artıq birinci səviyyə imtahanlarına başlanılıb və elektron qeydiyyat ARPA-nın veb səhifəsi vasitəsilə aparılır.

Mühasiblərin Peşəkar Sertifikasiyası Proqramının hazırlanmasında məqsəd yerli maliyyə bazarında mühasibatlıq sahəsində çalışan mütəxəssislərin peşəkarlıq səviyyəsinin inkişaf etdirilməsidir.

Dünya Bankının maliyyələşdirdiyi CAPSAP layihəsi çərçivəsində ARPA risk peşəkarları assosiasiyasından mühasiblər və risk peşəkarları assosiasiyasına çevrilib. Layihənin yekunlarına əsasən, ARPA MHBS-ya əsasən hazırlanmış yeri sertifikasiya proqramı təşkil etmək hüququna malikdir. 

Mənbə: Report

© Materiallardan istifadə edərkən hiperlinklə istinad olunmalıdır
+12°C
  • $ USD
    1.7339
  • € EUR
    1.8516
  • ₽ RUB
    0.0272