BİRJA

BFB-nin İdarə Heyətinə yeni sədr təyin olundu
07 İYUN
447

BFB-nin İdarə Heyətinə yeni sədr təyin olundu

2019-06-07 16:03:00

Eldar Abdullayev sədr təyin olunub

Bakı Fond Birjasının (BFB) İdarə Heyətinin (İH) sədri Vüqar Namazov tutduğu vəzifəni tərk edib. Bu barədə V.Namazovun özü məlumat verib.

“İyunun 3-də BFB-nin səhmdarlarının illik yığıncağı keçirilib. Yığıncaqda qurumun 2018-ci il üzrə maliyyə nəticələri və 2019-cu ilin büdcəsi təsdiq edilib, Audit Komitəsi yenidən formalaşdırılıb. Bundan başqa, digər işə keçməyimlə əlaqədar səhmdarlar tutduğum vəzifədən azad olunmağımla bağlı qərar qəbul ediblər”, – deyə V.Namazov bildirib.

O əlavə edib ki, İdarə Heyətinin sədri vəzifəsinin icrası müvəqqəti olaraq İH-nin üzvü Eldar Abdullayevə həvalə edilib.

Bakı Fond Birjası qapalı səhmdar cəmiyyəti formasında yaradılmış kommersiya təşkilatıdır. BFB 2000-ci ildə təsis edilib və yaradılmasında əsas məqsəd ölkədə mütəşəkkil fond bazarının formalaşdırılması olub.

İnterfax.az

© Materiallardan istifadə edərkən hiperlinklə istinad olunmalıdır