BANK

Dünya Bankının rəhbəri vəzifəsinə namizəd Çinə verilən kreditləri azaltmağı təklif edib
08 FEVRAL
184

Dünya Bankının rəhbəri vəzifəsinə namizəd Çinə verilən kreditləri azaltmağı təklif edib

2019-02-08 15:04:00
ABŞ-ın Dünya Bankının rəhbəri vəzifəsinə namizədi Devid Malpas təşkilatın Çinə verdiyi kreditlərin həcmlərini azaltmağı lazım bilir. O, bildirib ki, səyləri kasıb ölkələrdə həyat tərzinin yüksəlməsinə cəmləmək lazımdır.

Bu haqda Devid Malpas “Bloomberg” TV-ə müsahibəsində bildirib.

“Söhbət Çinə köməyin dayandırılmasından gedir”, – deyə Malpas bildirib. O, qeyd edib ki, kreditlər pul gəlirləri aşağı səviyyəli və ya inkişaf edən ölkələr üçün daha əlçatan olub.

Dünya Bankının Çinə kreditlərin verilməsini ixtisara salmaq qərarı ilə bağlı islahatı ötən il qəbul edilib. Malpas ancaq onun reallaşdırılmasına nail olmaq istəyir. O, təşkilatın prezidenti seçiləcəyi təqdirdə Dünya Bankının ekstremal yoxsulluqla mübarizədə effektivliyini yüksəltməyə hazırlaşır.

Daha əvvəl bildirilib ki, Dünya Bankının prezidenti vəzifəsinə ABŞ Prezidenti Donald Trampın qızı İvanka Tramp gələ bilər.

©Finans.az

© Materiallardan istifadə edərkən hiperlinklə istinad olunmalıdır
  • $ USD
    1.7
  • € EUR
    1.9008
  • ₽ RUB
    0.0262