BANK

Bank Ombudsmanı ilə Almaniya Əmanət Banklarının Beynəlxalq Əməkdaşlıq Fondu arasında görüş keçirilib
22 SENTYABR
221

Bank Ombudsmanı ilə Almaniya Əmanət Banklarının Beynəlxalq Əməkdaşlıq Fondu arasında görüş keçirilib

2017-09-22 14:06:00

21 sentyabr 2017-ci il tarixində Bank Ombudsmanı İkram Kərimov Almaniya Əmanət Banklarının Beynəlxalq Əməkdaşlıq Fondunun inzibati ofisində fondun ölkə üzrə nümayəndəsi Eduard Şmitlə görüşmüşdür.

Görüşdə Bank Ombudsmanın katibliyinin və Fondun nümayəndələri iştirak etmişdir.

Görüşdə əvvəlcə İ.Kərimov tərəfindən Azərbaycanda yeni yaradılmış Bank Ombudsmanının fəaliyyəti, görülmüş işlərhaqqında məlumat verilmiş, qarşıya qoyulmuş məqsədlərə nail olunması yolları müzakirə edilmişdir.

Eyni zamanda, E.Şmit Almaniyada fəaliyyət göstərən Regional Bank Ombudsmanları, onların səlahiyyətlərinə aid olan işlər, verdiyi qərarların təsir mexanizmi haqqında məlumat vermiş, təcrübə mübadiləsi aparılmışdır.

Görüş zamanı iki tərəfli görüşlərin davamlı olaraq keçirilməsi, Bank Ombudsmanı sahəsində çalışan mütəxəssislərin təcrübə mübadiləsi aparılması məqsədi ilə həm Almaniyada, həm də Azərbaycanda görüşlərin təşkil edilməsi və əməkdaşlığın daha geniş müstəvidə aparılması haqqında razılaşma əldə edilmişdir.

Qeyd edək ki,  Bank Ombudsmanın yaradılması haqda qərar Azərbaycan Banklar Assosiasiyasının (ABA) Ümumi Yığıncağının 03 aprel 2017-ci il tarixli iclasında qəbul edilib. Eyni zamanda, həmin iclasda Bank Ombudsmanın Əsasnaməsi və Reqlamenti təsdiq olunub. Hazırda Bank Ombudsmanı 24 bank və 1 bank olmayan kredit təşkilatı üzrə daxil olan məsələlərə baxır.  Həmçinin digər banklarla, onların müştəriləri olan fiziki şəxslərin iştirakı ilə mübahisələrin baxılmaq üçün Bank Ombudsmanına verilməsi haqqında Bəyənnamənin imzalanması üzərində danışıqlar aparılır.

© Materiallardan istifadə edərkən hiperlinklə istinad olunmalıdır
+18°C
  • $ USD
    1.7001
  • € EUR
    2.0000
  • ₽ RUB
    0.0297