BANK

"Gəncəbank" lisenziyasının bərpasında israrlıdır
14 SENTYABR
333

"Gəncəbank" lisenziyasının bərpasında israrlıdır

2016-09-14 16:57:00

"Gəncəbank" ASC-nin lisenziyasının bərpa edilib-edilməməsi ilə bağlı sentyabrın 9-na təyin edilmiş məhkəmə iclası baş tutmayıb. Bu barədə Gəncə İnzibati-İqtisadi Məhkəməsindən məlumat verilib.

"Həmin məhkəmə prosesindən öncə Bank məsələ qaldırıb ki, müflis elan edilməsin, çünki işçilərə əmək haqqının ödənilməsi məsələsi var. Amma bu tələbə baxılmayıb və qərardad çıxarılıb. Hazırda "Gəncəbank" həmin qərardaddan apellyasiya şikayəti verib və iş Gəncə Apellyasiya Məhkəməsindədir. Orada bu məsələyə baxılandan sonra yenidən Bankın lisenziya məsələsi ilə bağlı iclas olacaq", - deyə Gəncə İnzibati-İqtisadi Məhkəməsindən bildirilib.

Xatırladaq ki, 1 saylı Bakı İnzibati-İqtisadi Məhkəməsi bu il fevralın 15-də "Gəncəbank"ın müflis elan edilməsi, iflas proseduruna başlanılması, "Azerbaijan International Consulting Company" MMC-nin Banka ləğvedici təyin edilməsi barədə qərar qəbul edib. Lakin "Gəncəbank" bundan apellyasiya şikayəti verib. Martın 18-də Bakı Apellyasiya Məhkəməsi 1-ci instansiya məhkəməsinin çıxardığı qərardadı və qərarı ləğv edib. İş aidiyyəti üzrə Gəncə İnzibati-İqtisadi Məhkəməsinə göndərilib.

"Gəncəbank"ın lisenziyası bu il yanvarın 22-də Azərbaycan Mərkəzi Bankı tərəfindən ləğv edilib. Yanvarın 25-də isə Banka müvəqqəti inzibatçı təyin edilib. AMB-nin səlahiyyətlərinin bir qisminin bu il fevralın 3-də yaradılmış Maliyyə Bazarlarına Nəzarət Palatasına ötürülməsi ilə əlaqədar hazırda "Gəncəbank" Palatanın əməkdaşı Seymur Əliyevin nəzarətindədir.

Eləcə də bax: Bu bankda yeni vəzifə yaradıldı
Eləcə də bax: Devalvasiya nə zaman qaçılmazdır?

Mənbə: "Report"

© Materiallardan istifadə edərkən hiperlinklə istinad olunmalıdır
+12°C
  • $ USD
    1.7339
  • € EUR
    1.8516
  • ₽ RUB
    0.0272