AVTO

Bakıda 90 qəpiklik yanacaq işlədən "Hyundai" satışa çıxarıldı -FOTO,QİYMƏT
24 APREL
7164

Bakıda 90 qəpiklik yanacaq işlədən "Hyundai" satışa çıxarıldı -FOTO,QİYMƏT

2018-04-24 18:42:00

Bir çox ilklərə imza atmış və uzun illərdir avtomobil sektorunun liderlərindən olan “Auto  Azərbaycan” şirkəti ölkəmizi elektromobil ilə tanış etmək üçün hərəkətə keçib. Fins.az xəbər verir ki, “Hyundai”ın Azərbaycanda rəsmi distribyutoru olan şirkət markanın elektromobili olan “İONİQ Electric” modelini təqdim edib. Artıq “İONİQ Electric” Bakıda Ziya Bünyadov prospektindəki “Hyundai Otoplaza”da nümayiş etdirilir.

 “Auto Azərbaycan” şirkətinin Satış departamentinin Baş satış məsləhətçisi Müseyib Məmmədov bildirdi ki, elektromobildə yanacaq mühərriki, hava filtiri, “kulşiter”, katalizator və s. mövcud deyil.  Mühərrik deyilsə də, əslində mühərrik yerindəki generatordur. “İONİQ Electric” 88 kw (120 HP) gücündə elektrikli mühərriki ilə təchiz olunur. Elektromobilin maksimum sürəti 165 km/saatdır.

 Avtomobil tam səssiz çalışır. İnsanların avtomobili fərq etmələri üçün süni səs düyməsinə toxunmaq kifayətdir.

 AXŞAM ŞƏBƏKƏYƏ QOŞ, SƏHƏRƏDƏK BATAREYASI TAM YÜKLƏNSİN

 Müseyib Məmmədov qeyd etdi ki, “İONİQ Electric” 220 voltluq naqili ilə enerjini evlərin elektrik şəbəkəsindən və xüsusi stansiyalardan yükləyə bilir:

 “Avtomobilin “adapter”ini “razetkaya” qoşduqda batareyası enerji yığır. Avtomobilin “adapter”inin naqili dördlükdür. Evdə sayğacdan “razetkaya” 4-lük naqil ilə xüsusi xəttin çəkilməsi məsləhətdir. Çünki evlərdə istifadə edilən 1,5-2-lik naqil qızır. “Adapter”də “yavaş”, “orta” və “sürətli” rejimlər mövcuddur. Əgər enerji evin şəbəkəsindən yığılacaqsa “orta” rejimi seçmək lazımdır. Belə rejimdə avtomobilin batareyası 1 saat ərzində 7% enerji yığır və tam dolması üçün 13 saat tələb olunur. “Sürətli” rejimi isə elektromobillər üçün nəzərdə tutulmuş enerji yükləmə stansiyalarında seçilir. Hazırda Bakıda belə stansiyalar Heydər Əliyev Mərkəzinin qarşısında quraşdırılıb. Bu stansiyalardan istifadə etməklə avtomobilin batareyasını enerji ilə təxminən 30 dəqiqə ərzində tam doldurmaq mümkündür”.

 Elektromobil enerji yığdığı zaman onu işə salmaq mümkün deyil. Batareya tam dolduqda sistem şəbəkədən avtomatik ayrılır.

 ENERJİNİ YÜKLƏ 220 KM SÜR

 Müseyib Məmmədov əlavə etdi ki, batareyası tam dolu olduqda “İONİQ Electric”i 220 km sürmək mümkündür. Əgər avtomobili qənaətli rejimdə sürülərsə bu məsafəni təminən 40-60 km uzanır.

 1 MANAT 70 QƏPİK İŞIQ PULU

 Yəqin ki, “İONİQ”in batareyasının tam doldurulması zamanı nə qədər enerji sərfiyyatı yarandığı çoxlarınızı maraqlandırır. Müseyib Məmmədov bildirdi ki, 220 voltluq  naqil ilə enerjini evlərin elektrik şəbəkəsindən yüklədikdə sərfiyyat təxminən 1 manat 70 qəpik təşkil edir. Başqa sözlə, 1 manat 70 qəpik qarşılığında “İONİQ” elektromobilini 220 km sürə bilərsiniz. Aylıq xərciniz 15-20 manatdan yüksək olmayacaqdır.

 Avtomobillərdəki standard təchizatlar “İONİQ ”in salonunda mövcuddur: kindisioner, monitor və s.

 “İONİQ”i işə salmaq üçün start/stop düyməsini, hərəkətə gətirmək üçün isə “D” düyməsini sıxmaq lazımdır.

 QİYMƏTİ            

 “İONİQ”in qiyməti 64600 manatdır. Lakin yüksək yanacaq və dövrü servis xərclərinin olmadığını nəzərə alsaq bu qiymət bir qədər başadüşüləndir.

 Elektromobildə yağdəyişmə olmadığı üçün bu məqsədlə dövrü servisə də ehtiyac yoxdur. Bu da elektromobil sahibinə qənaət etməyə imkan verir.

 “IONIQ”in qiymətinin bir hissəsi gömrük rəsmiləşdirilməsi xərcindən ibarətdir: “Elektromobil elektrik avadanlığı kimi rəsmiləşdirilir. Bu avtomobilin “rastamoşka”sı  3 litrlik avtomobilin “rastamoşka”sı xərcinə bərabərdir. “IONIQ”in gömrük rəsmiləşdirilməsinə 16 min manat ödəmişik. Yollarda elektromobillərin atması üçün gömrük güzəştləri düşünülməlidir”.

 Müseyib Məmmədov əlavə etdi ki, “IONIQ” bir müddət salonda nümayiş etdirildikdən sonra satılacaqdır. Məqsəd daha çox insanın elektromobili tanımasına nail olmaqdır.

 “İDXALÇILAR ARASINDA İLK ADDIMI BİZ ATDIQ”

 “Auto Azərbaycan” şirkətinin marketinq direktoru Rauf Cahangirov bildirdi ki, Azərbaycanın elektromobillər ilə tanışlığını tezləşdirmək üçün “IONIQ” ölkəmizə gətirilib. Azərbaycanda ilk dəfə, avtomobil markaları arasında məhz Hyundai tam elektrikli avtomobili böyük həyəcanla təqdim edir:

 “IONIQ”in satışlarına start verməyimiz cəsarətli addımdır. “Auto  Azərbaycan” şirkəti başa düşür ki, gələcək elektromobillərindir. Azərbaycan dünyadakı dəyişikliklərdən geri qala bilməz, elektromobillərə yavaş-yavaş keçməyə başlamalıyıq. Elektromobillərin təbliğatı böyük zəhmət və resurslar tələb etməyinə baxmayaraq, biz, benzin mühərrikli avtomobillərin rəsmi idxalçıları arasında ilk addımı atdıq. İnanırıq ki, uğurlu olacağıq, yaxın illərdə yollarda elektromobillərin sayı artacaqdır”. (Marja)

© Materiallardan istifadə edərkən hiperlinklə istinad olunmalıdır
  • $ USD
    1.7000
  • € EUR
    1.9904
  • ₽ RUB
    0.0277