TƏHSİL

İmtahanlar təşkil edən qurum mənfəətlə işləyib
08 İYUL
92

İmtahanlar təşkil edən qurum mənfəətlə işləyib

2019-07-08 11:14:00

Dövlət İmtahan Mərkəzinin (DİM) cəmi aktivləri bu il yanvarın 1-nə 24 milyon 699 min manat təşkil edib.

Qurumun maliyyə hesabatına görə, bu, ötən il yanvarın 1-i ilə müqayisədə 42,2% çoxdur.

Hesabat dövründə DİM-in cəmi öhdəlikləri təxminən 20% azalaraq 408 min manata düşüb, cəmi kapitalı isə 44,1% artaraq 24 milyon 291 milyon manata çatıb.

Ötən il DİM-in əməliyyat gəlirləri 17 milyon 754 min manat, əməliyyat xərcləri 11 milyon 594 min manat, faiz gəlirləri 71 min manat, faiz xərcləri 1 min manat, inzibati xərcləri 1 milyon 552 min manat, dəyərsizləşmə zərəri 398 min manat, digər gəlirləri 229 min manat, digər xərcləri 35 min manat, mənfəət vergisi ödəmələri isə 208 min manat təşkil edib. Son nəticədə qurum ili 4 milyon 265 min manat xalis mənfəətlə başa vurub.

Xatırladaq ki, DİM ölkə prezidentinin 11 aprel 2016-cı il tarixli fərmanı ilə yaradılıb. Onun nizamnamə kapitalı 1 milyon manatdır. Mərkəz dövlət qulluğu üçün kadrların seçilməsi, təşkilati-hüquqi və mülkiyyət formasından asılı olmayaraq ali və orta ixtisas təhsili müəssisələrinə tələbə qəbulunun həyata keçirilməsi məqsədi ilə, habelə müqavilə əsasında dövlət orqanları, hüquqi və fiziki şəxslər üçün imtahanlar təşkil edən publik hüquqi şəxsdir.

© Report

© Materiallardan istifadə edərkən hiperlinklə istinad olunmalıdır
  • $ USD
    1.7
  • € EUR
    1.9162
  • ₽ RUB
    0.0269