SOSİUM

Azərbaycanın yeni avtomatı – AZ-7,62 - FOTOLAR
20 APREL
356

Azərbaycanın yeni avtomatı – AZ-7,62 - FOTOLAR

2016-04-20 09:38:00

Malayziyanın paytaxtı Kuala Lumpur şəhərində keçirilən DSA-2016 sərgisində Azərbaycan Müdafiə Sənayesi Nazirliyinin (MSN) müəssisəsində hazırlanmış EM-14 avtomat tüfəngi seriyasından yeni silahı – AZ-7,62 avtomatını ilk dəfə nümayişə çıxarılıb.

Fins.az-ın məlumatına görə, sərgidə məlumat verilib ki, 7.62×39 mm çaplı avtomat çəkisi 3.8 kq, atış məsafəsi 1000 metr, darağının tutumu 30 patron, resursu 10 000 atışdır. Silahın gövdəsi üzərində pikatini relsi yerləşdirilib və kollimatorla dəstləşdirilib.

Avtomat sələfi EM-14-də olduğu kimi uzunluğu tənzimlənən 6 pilləli teleskopik qundağa malikdir. Ön hissədə əlavə – sökülüb qurula bilən ikinci tutacaq tətbiq olunub.

Qeyd edək ki, bundan əvvəl – 2015-ci ilin fevral ayında MSN Birləşmiş Ərəb Əmirliklərinin paytaxtı Abu Dabi şəhərində keçirilmiş İDEX-2015 sərgisində ilk dəfə 5.56×45 mm çaplı EM-14 avtomatını nümayiş etdirib. EM-14 xarici dizayn baxımından AK-47 xəttinə əsaslanır. Lakin bu silah özünün texnoloji prinsiplərinə və tətbiq olunmuş yeniliklərinə görə, “Kalaşnikov” avtomatından əhəmiyyətli şəkildə fərqlənir.

Mənbə: AzeriDefence

© Materiallardan istifadə edərkən hiperlinklə istinad olunmalıdır
+12°C
  • $ USD
    1.7339
  • € EUR
    1.8516
  • ₽ RUB
    0.0272