BİZNES

Azərbaycanda bu şirkət 15 mln. dollar kredit cəlb edib
12 FEVRAL
156

Azərbaycanda bu şirkət 15 mln. dollar kredit cəlb edib

2018-02-12 15:36:00

Azərbaycanda qızıl, gümüş və mis hasilatı ilə məşğul olan Böyük Britaniyanın "Anglo-Asian Mining Plc." şirkətinin törəməsi - “Azerbaijan International Mining Company Ltd.” “Paşa Bank” ilə sindikatlaşmaya daxil olub. Fins.az Reporta istinadən xəbər verir ki, bu barədə şirkət məlumat yayıb.

Məlumata görə, “Paşa Bank”ın təşkilatçı olduğu sindikatlaşma iki illik 15 mln. ABŞ dollarına qədər illik 7%-li sabit faiz dərəcəsi ilə krediti nəzərdə tutur.

Kreditin 13,470 mln. dolları “Amsterdam Trade Bank N.V”, “Gazprombank (Switzerland) Ltd.”, “Anglo-Asian”nın baş icraçı direktoru Reza Vaziriyə və “Yapi Credit Bank”a mövcud kreditlərin geri ödənilməsinə istifadə olunacaq. Yenidən maliyyələşmədən sonra bu il şirkətin əsas borc ödənişi 5,1 mln. dollara qədər azalacaq.

“Bu il mövcud borcların əsas hissələrinin daha əlverişli faiz dərəcələri ilə yenidən maliyyələşməsi 8,4 mln. dollar məbləğində vəsaitin Gədəbəydəki yataqların genişləndirilməsi və optimallaşdırma işlərinə cəlb edilməsinə imkan verəcək”, - deyə məlumatda qeyd olunub.

Həmçinin qeyd edilib ki, yenidən maliyyələşmə ilə Azərbaycan Beynəlxalq Bankından cəlb edilən 2,1 mln. dollar məbləğindəki kreditin faiz dərəcəsinin 12%-dən 7%-ə enməsi barədə razılığa gəlinib.

Qeyd edək ki, “Anglo-Asian” şirkətinin “Amsterdam Trade Bank”a bu il avqustun 25-dək 3,699 mln. dollar, “Gazprombank”a həmin tarixədək ödənilməli olan 3,7 mln. dollar borcu var. Şirkət “YapıKredit Bank”a mart ayınadək 2,211 mln. dollar, “Anglo-Asian”nın baş icraçı direktoru Reza Vaziriyə gələn il yanvarın 8-dək 3,86 mln. dollar ödəməlidir.

© Materiallardan istifadə edərkən hiperlinklə istinad olunmalıdır
+6°C
  • $ USD
    1.7001
  • € EUR
    2.0949
  • ₽ RUB
    0.0300