Bu ilin avqust ayında Azərbaycanda 3, 4 və 5 ulduzlu mənzillərin booking.com platforması üzərindən onlayn bronlaşdırma sistemi ilə sutkalıq kirayə qiymətləri müvafiq olaraq 108,1 manat, 216,7 manat və 442,2 manat olub.

Fins.az-ın Dövlət Turizm Agentliyinin hesabatına istinadən verdiyi məlumata görə, bu qiymətlər müxtəlif şəhərlərdə fərqli ola bilər.

Bakı şəhərində 3 ulduzlu mənzillərdə ən yüksək qiymət 121,5 manat, 4 ulduzlu mənzillərdə 338 manat, 5 ulduzlu mənzillərdə isə 533,2 manat olub.

Avqust ayında 4 ulduzlu mənzillərin ən yüksək qiyməti Lerik şəhərində 320 manat, 5 ulduzlu mənzillərin isə Naftalanda 1 215 manat olub.

Hesabatda ötən ilin avqust ayı üçün məlumatlar göstərilməyib.

Fuad Mədətov
Fins.az