Dünyanın ən böyük elektrikli avtomobil istehsalçılarından biri olan Tesla 2023-cü ilin noyabrında öz elektrikli pikap modeli Cybertruck-u təqdim etdi. Bir neçə il səbirsizliklə gözlədikdən sonra avtomobil xüsusiyyətləri ilə diqqət çəkməyi bacarıb. Bu da böyük maraqla qarşılandı. Ancaq son hadisələrə görə, Tesla Cybertruck çatdırılmasında əhəmiyyətli bir problem yaşayır.

Fins.az xəbər verir ki, Tesla gözlənilmədən Cybertruck tədarükünü dayandırıb. Aprelin 20 -də yenidən başlayacağı açıqlanıb. Sifariş verən müştərilərə məlumat verilir ki, avtomobilin hazırlanmasında gecikmə var. Onların görüşləri ləğv edilir.

Cybertruck sahibləri arasında edilən paylaşımlara görə, avtomobilin qaz pedalında problem olduğu bildirilir. Bu problem pedalın həddindən artıq yağlanması nəticəsində yarana bilər ki, bu da pedal qapağının gevşməsinə, irəli sürüşməsinə və boşluğa ilişməsinə səbəb olur. Bu da öz növbəsində pedalın tam oturmasına səbəb olur.

Bu vəziyyət avtomobilin nəzarətsiz şəkildə sürətlənməsinə səbəb olaraq böyük risk yaradır. Tesla geri çağırılma səbəbi ilə bağlı müştərilərə rəsmi açıqlama verməyib, lakin problemin bu ola biləcəyi ehtimal edilir.

Deyəsən, Tesla Cybertruck üzərində çox işləməli olacaq.

Günel Məlikzadə
Fins.az