BYD bazar günü özünün ən bahalı avtomobilini, Ferrari və Lamborghini kimi rəqiblərin təklif etdiyi lüks seçimlərə rəqib olan 1,68 milyon yuan (233 450 dollar) dəyərində yüksək performanslı tam elektrik superkarını təqdim etdi.

Fins.az xəbər verir ki, Yangwang U9 ilkin olaraq yalnız Çin bazarına yönəldiləcək, şirkət Şanxayda canlı yayımlanan tədbirdə bildirib. Avtomobilin 100 km/saat (62 mil/saat) həddini 2,36 saniyəyə yığa bildiyi və maksimal sürətinin isə 309,19 km/saat olduğu bildirilib.

BYD, 2023-cü ilin son rübündə Teslanı geridə qoyaraq dünyanın ən böyük elektrikli avtomobil satıcısı oldu. Daha çox sərfəli elektrik avtomobilləri istehsalı ilə tanınsa da, şirkət lüks modellərini Yangwang və Fang Cheng Bao markaları altında bazara çıxarır.

Günel Məlikzadə
Fins.az