2024-cü ilə sürətli bir başlanğıc edən Togg, yanvar ayı məlumatlarını paylaşdı. CES 2024 çərçivəsində yeni T10F sedan modelini təqdim edən şirkət, ilin ilk ayında satılan T10X sayını da açıqladı. Onu da xatırladaq ki, yanvar ayından ümumi sifariş dövrü başlayıb.

Fins.az xəbər verir ki, Togg; Yanvarın 8-də Texnologiya şəhərciyində aparılan texniki xidmət, təmir və inventar işlərindən sonra yeni istehsal dövrünə start verilib. Yanvarın 9-da ABŞ-da keçirilən CES 2024 sərgisində iştirak etdi. Bu tədbirdə Togg yeni dizaynı ilə T10F-ni təqdim etdi.

Yanvarın 20-də Togg T10X üçün tirajsız ümumi sifariş dövrünə başladı. Şirkət minlərlə insanın bu fürsətdən yararlanaraq T10X sifariş etdiyini vurğuladı. Toqqun açıqlamasına görə, T10X yanvar ayında 1625 müştəriyə çatdırılıb. Beləliklə, ümumi satış sayı 21 min 208-ə çatdı.

Digər tərəfdən, bir müddət əvvəl Toqqun xaricdə satışa hazırlandığı məlum olub. Şirkətin rəsmi LinkedIn səhifəsində 4 yeni iş elanı dərc edilib. Almaniyanın Ştutqart şəhərində yerləşən elanlar satış və sifariş üzrə mütəxəssislər axtarırdı.

Şirkətin yeni sedan modeli T10F, uzaqdan yeniləmələrlə özünü daim yeniləyən sürücü dəstək sistemləri sayəsində sürücülük təhlükəsizliyini və rahatlığını maksimuma çatdırır. Euro NCAP-ın bütün testlərində ən yüksək səviyyə olan 5 ulduz almaq üçün nəzərdə tutulduğu deyilən T10F, güclü və davamlı bir infrastruktura malikdir.

Avtomobilin sürücünün təhlükəsizliyinə yönəlmiş xüsusiyyətlərinə yeddi təhlükəsizlik yastığı, yol nişanının aşkarlanması sistemi, dayanma funksiyası ilə smart adaptiv kruiz kontrolu, ağıllı zolaq izləmə sistemi və zolaqdan çıxma xəbərdarlığı daxildir. T10F həm də “ağır trafik pilotu” köməkçisi xüsusiyyəti ilə seçilir.

T10F-nin xarici dizaynı uzun, nazik dönmə göstəriciləri və idman üslublu ön panelə inteqrasiya olunmuş "bumeranq" formalı gündüz işləyən işıqları ilə diqqət çəkir.

Günel Məlikzadə
Fins.az