Volvo Qrupu Polestarın maliyyələşdirilməsini dayandıracağını və rəhbərliyini Volvo-nun əsas səhmdarı olan Geely Holdinqə təhvil verəcəyini açıqladı.

Fins.az xəbər verir ki, bu açıqlamadan sonra İsveç avtomobil istehsalçısının səhmləri bazarın açılışında 30 faizdən çox bahalaşıb.

Digər yeni elektrikli avtomobil markaları və startaplar kimi, Polestar, xüsusilə Tesla keçən il qiymət müharibəsi başlatdıqdan sonra irəliləmək üçün mübarizə apardı.

Polestar bu ayın əvvəlində 2023-cü il üçün onsuz da aşağı salınmış çatdırılma hədəflərinə çata bilmədiyini açıqladı. Digər tərəfdən, Polestarın səhmləri 2022-ci ilin iyununda birjaya çıxdıqdan sonra 83 faizdən çox ucuzlaşıb.

Geely, Volvo-nun resurslarını öz inkişafına yönəltmək qərarını alqışladığını söylədi. Şirkətdən verilən açıqlamada bildirilib ki, "Geely Holding gələcəkdə müstəqil özəl (Polestar) brendinə tam əməliyyat və maliyyə dəstəyi verməyə davam edəcək. Bu dəstək Geely Holdinqin Volvo Cars-dakı paylarının azaldılmasını tələb etməyəcək".

Günel Məlikzadə
Fins.az