Dünyanın aparıcı elektrik avtomobil markası olan BYD 2024-cü il UEFA Futbol Çempionatının (UEFA EURO 2024) Rəsmi Partnyoru və Rəsmi Elektron Mobillik Tərəfdaşı oldu. Keçən noyabr ayında Türkiyə bazarına sürətlə daxil olan BYD, bu böyük iş birliyi ilə Türkiyə Milli Komandasının da iştirak edəcəyi UEFA AVRO 2024 Çempionatında adından söz etdirəcək. 

Fins.az xəbər verir ki, UEFA (Avropa Futbol Assosiasiyaları İttifaqı) ilə bu əməkdaşlıq Çempionat tarixində elektrik avtomobil istehsalçısı ilə ilk sponsorluq müqaviləsi kimi diqqəti çəkir. BYD-nin sponsorluğu UEFA-nın daha yaşıl və daha davamlı UEFA AVRO 2024 Çempionatını təşkil etmək məqsədinə töhfə verir, eyni zamanda futbol həyəcanını ətraf mühitlə bağlı öhdəliklərlə birləşdirir.

Dünyanın bir nömrəli elektrik avtomobil istehsalçısı olan BYD elektrik mobilliyini istehlakçılar üçün daha əlçatan edir. Eyni zamanda, BYD elektrikli nəqliyyat vasitələrinə keçidin təklif etdiyi texnologiyalarla unikal təcrübə olmasını təmin edir və UEFA EURO 2024-ün rəsmi tərəfdaşı kimi davamlı inkişafa olan həvəsini vurğulayır. Bu mötəbər çempionatla daha geniş auditoriyaya çıxış təmin edəcək BYD-nin elektrik avtomobillərindəki ən son yenilikləri stadionlarda və rəsmi azarkeş zonalarında canlı tədbirlərdə nümayiş etdiriləcək.

BYD bu mötəbər futbol çempionatı ilə əməkdaşlığı qeyd etmək üçün öz dilerləri ilə sərgi salonlarında çoxsaylı müştəri təcrübələri həyata keçirməyi və bu tədbirlərin iştirakçıları ilə birlikdə UEFA AVRO 2024 həyəcanını yaşamağı hədəfləyir.

Günel Məlikzadə
Fins.az