“Səhiyyə, təhsil, idman və mədəniyyət sahələrinə aid müəssisə və obyektlərin özəlləşdirilməsi prosesində bağlanılan əqdlərin tərtib edilməsi qaydaları haqqında Təlimat”da və Azərbaycan Respublikası İqtisadiyyat Nazirliyinin Kollegiyasının 2022-ci il 21 fevral tarixli 1 nömrəli Qərarı ilə təsdiq edilmiş “Xüsusi müsadirə edilmiş əmlakın hərraca çıxarılması və hərracda satılması barədə Təlimat”da dəyişiklik təsdiq edilib.

Fins.az xəbər verir ki, bu barədə müvafiq qərarı iqtisadiyyat naziri Mikayıl Cabbarov imzalayıb.

Sənədə əsasən, Hüquq şöbəsinin müdiri Tural İsgəndərova tapşırılıb ki, bu Qərarın Azərbaycan Respublikasının Hüquqi Aktların Dövlət Reyestrinə daxil edilməsi məqsədilə 3 gün müddətində Azərbaycan Respublikasının Ədliyyə Nazirliyinə göndərilməsi üçün zəruri tədbirlərin görülməsini təmin etsin.

İctimaiyyətlə əlaqələr şöbəsinin müdiri Leyla Zamanovaya tapşırılıb ki, bu Qərarın Hüquqi Aktların Dövlət Reyestrinə daxil edildikdən (Azərbaycan Respublikası Prezidentinin 2023-cü il 6 oktyabr tarixli 2328 nömrəli Fərmanı ilə təsdiq edilmiş “İcra hakimiyyəti orqanlarının normativ hüquqi aktlarının layihələrinin hazırlanması, razılaşdırılması, qəbul edilməsi və dərc edilməsi qaydası haqqında Əsasnamə”nin 5.5-ci bəndi nəzərə alınmaqla) sonra 72 saat müddətində rəsmi dövri mətbu nəşrdə dərc edilməsi və Azərbaycan Dövlət İnformasiya Agentliyinin (AZƏRTAC-ın) informasiya ehtiyatında, eləcə də qüvvəyə mindiyi gündən Nazirliyin internet informasiya ehtiyatında yerləşdirilməsi üçün zəruri tədbirlərin görülməsini təmin etsin.

Kollegiyanın məsul katibi, Daxili nəzarət şöbəsinin müdir müavini Elnur Əliyevə tapşırılıb ki, bu Qərarın surətinin göndərilmə siyahısına uyğun çatdırılmasını təmin etsin.

Qərarın icrasına nəzarət Mikayıl Cabbarovun üzərində saxlanılıb.