İlon Mask aprelin 1-də zarafat etməyi unutmayıb. X-dəki son yazısında o, Uolt Disneylə zarafatlaşdı. O, Disney-də yeni Müxtəliflik, Bərabərlik və İnklüzivlik (DEI) Meneceri olduğunu söylədi. Bu elan aprelin 1-də gəldi və sosial mediada böyük marağa səbəb oldu.

Fins.az xəbər verir ki, Musk öz paylaşımında “Disney-ə DEI Məmuru kimi qoşulduğum üçün həyəcanlıyam. Mən Bob Iger (Disney CEO) və Kathleen Kennedy (kino rejissoru) ilə onların məzmununu daha çox canlandırmaq  üçün işləməyi səbirsizliklə gözləyirəm".

Elon Musk əslində uzun müddətdir Disney və Netflix kimi şirkətlərin siyasətini tənqid edir. 

Maskın yazısı kifayət qədər açıq olsa da, o, bunun aprel zarafatı olub-olmadığını açıqlamayıb. Ancaq yazının tarixini nəzərə alsaq, Maskın yeni hədəfi Disney və Netflix kimi şirkətlər kimi görünür.

Daha doğrusu, İlon Maskın parodiya hesabını idarə edən istifadəçi “Bağışlayın, səhv hesabdan paylaşım etdim” deyərək onu ələ salıb. Mask bu şərhə səssiz qalmayaraq gülümsəyən emoji paylaşıb.

Günel Məlikzadə
Fins.az