Keçən həftə Apple tərəfindən satışa çıxarılan şirkətin yeni noutbuku M3 MacBook Air, bazara çıxdıqdan qısa müddət sonra aparılan performans testlərində diqqət çəkdi. ARM əsaslı M3 prosessorunun gücünü nümayiş etdirən cihaz, performans testlərində yüksək qiymətlər almağı bacarıb.

Fins.az xəbər verir ki, lakin bu uğur həm də həddindən artıq istiləşmə problemlərinə səbəb oldu. Yüksək performansın qiyməti olaraq, MacBook Air-in istilik səviyyələri həyəcan verici səviyyələrə çatdı. Xüsusilə ağır yük altında cihazın prosessorunun temperaturu nüvədə 114°C-ə yüksəldi. Bu onu göstərir ki, uzunmüddətli istifadə zamanı cihazın performansının azalmasına və istifadəçi rahatlığı problemlərinə səbəb ola bilər. B

Apple MacBook Air modellərinin incə və yüngül strukturunu qorumaq üçün onların dizaynına soyuducu fan daxil etmir. Bu seçim bəzi modellərdə istilik problemlərinə səbəb ola bilər. Eyni şəkildə, M3 MacBook Air də bu istilik səviyyələri ilə daşıma qabiliyyəti və performans arasında tarazlıq yaratmaqda çətinlik çəkir.

Max Tech tərəfindən aparılan sınaqlarda 15 düymlük M3 MacBook Air modeli 3DMark Wild Life Extreme və Cinebench 2024 testlərinə məruz qalıb. Bu sınaqlar zamanı cihazın prosessor və qrafik blokları Pro modellərində olduğu kimi ən yüksək performans nümayiş etdirərək, ağır iş yüklərini uğurla öz üzərinə götürüb.

M3 MacBook Air performansı ilə istifadəçilər tərəfindən bəyənilsə də, həddindən artıq istiləşmə problemləri yeni müzakirələrə səbəb olur.

Günel Məlikzadə
Fins.az