Uşaqların onlayn təhlükəsizliyinə diqqət yetirən ABŞ Senatının Ədliyyə Komitəsi adekvat tədbirlər görmədiyi üçün X-i hədəfə aldı. İclasda çıxış edən  X CEO Yaccarino sosial şəbəkənin gənc istifadəçilər arasında aşağı əhatə dairəsindən danışdı.

Fins.az xəbər verir ki, 2023-cü ilin yanvar ayına olan məlumata görə, ABŞ-da 95,4 milyon olaraq bildirilən təxmin edilən istifadəçilərin sayı 90 milyona qədər azalıb. Keçən payızda bir tədbirdə çıxış edən Elon Musk şəbəkənin ümumilikdə 550 milyon aylıq aktiv istifadəçiyə çatdığını iddia etdi, lakin onun hesablamalarına botlar və spam göndərənlər kimi saxta hesabların daxil olub-olmadığı bəlli deyil.

Yaccarino keçən ay X-in istifadəçi bazasının ümumilikdə böyüdüyünü və 7 dekabr 2023-cü il tarixinə 10 milyondan çox insanın X üçün qeydiyyatdan keçdiyini bildirdi.

Lakin ABŞ Senatı ilə paylaşılan rəqəmlər göstərir ki, 2023-cü il bazar proqnozlarının doğru olduğunu fərz etsək, X ABŞ-da ildən-ilə bir qədər azalacaq. X, mərkəzləşdirilməmiş şəbəkə Mastodon, Bluesky və Instagram Threads daxil olmaqla bir sıra yeni rəqiblərlə qarşılaşır.

X Aİ və Avstraliya da daxil olmaqla geniş bir coğrafiyada, platformada uşaqların cinsi istismarının qarşısını almaq üçün kifayət qədər tədbirlərin görülmədiyi tənqid hədəfi idi.

Günel Məlikzadə
Fins.az