Almaniyanın "Bavariya" klubu UEFA Çempionlar Liqasında yeni rekorda imza atıb.

Münhen təmsilçisi buna evdə Çexiyanın "Viktoriya" (Plzen) komandasına 5:0 hesabı ilə qalib gəldikləri qrup mərhələsinin III tur matçında nail olub.

Ölkə çempionu qitənin bir nömrəli klub turnirinin qrup mərhələsində məğlubiyyətsiz oyunlar seriyasını 31-ə çatdırıb. Komanda son olaraq 2017-ci ildə Fransada PSJ-yə 0:3 hesabı ilə uduzub.

Əvvəlki rekord isə İspaniya "Real Madrid"inə məxsus olub. "Kral klubu" 2012 - 2017-ci illərdə ardıcıl 30 qrup oyununda məğlub olmayıb.