Bakı, 2 dekabr Fins.az

"Qarabağ" və İsrailin "Makkabi" (Təl-Əviv) komandaları arasında keçiriləcək UEFA Avropa Liqasının V tur matçı üçün təyinatlar açıqlanıb.

Fins.az xəbər verir ki, qarşılaşma İrlandiyadan olan hakimlər briqadasına həvalə edilib. Referi Robert Hennessyə yan xətt hakimləri Allen Lynch və Emmet Dynan köməklik göstərəcək. Dördüncü hakim funksiyasını isə Paul Mclaughlin yerinə yetirəcək.

Hakim-inspektor Serbiyadan Deyan Filipoviç, UEFA nümayəndəsi isə Rumıniyadan Oktavian Gogadır.

Qeyd edək ki, dekabrın 3-də Türkiyənin İstanbul şəhərindəki “Başakşəhər Fatih Terim” stadionunda keçiriləcək “Qarabağ” – “Makkabi” matçı Bakı vaxtı ilə saat 21:55-də başlayacaq. Azərbaycan klubu ölkədəki hərbi vəziyyətlə əlaqədar ev oyunlarını neytral meydanda keçirir.