Fins.az - Şimali Koreya Əmək Partiyası Mərkəzi Komitəsinin şöbə müdirinin müavini Kim Yo Çjon, Koreya yarımadasında güc balansının pozulmasının müharibəyə yol aça biləcəyini bəyan edib. Kim, KXDR-in nüvə arsenalını gücləndirməyə davam edəcəyini vurğulayaraq, “Düşmənlərlə aramızda güc paritetinin pozulması dərhal müharibə deməkdir,” - bildirib.

O, ABŞ, Yaponiya və Koreya Respublikasının birgə keçirilən hərbi təlimlərini KXDR-ə qarşı düşmənçilik və təcavüzkar davranışın göstəricisi kimi qiymətləndirib. ABŞ və müttəfiqlərinin hərbi manevrlərinin artmasının, regionda sülh və təhlükəsizliyə ciddi təhdid olduğunu əlavə edib. Kim Yo Çjon, “KXDR-in müdafiə nüvə qüvvələrini gücləndirmək siyasəti hazırkı şəraitdə yeganə düzgün seçimdir,” - deyə vurğulayıb.