Apple-ın ABŞ-da ağıllı saat satışına qadağası davam edəcək

Amerikanın texnologiya nəhəngi “Apple” tərəfindən istehsal olunan və qanda oksigen səviyyəsini ölçmə qabiliyyətinə malik “Apple Watch Ultra 2” və “Apple Watch Series 9” modellərinin ABŞ-da satışına qoyulan qadağa sabahdan etibarən davam edəcək.

Fins.az xəbər verir ki, ABŞ Federal Apellyasiya Məhkəməsi sağlamlıq texnologiyaları şirkəti Masimo ilə patent mübahisəsi səbəbiylə bəzi Apple saatlarının satış qadağasının qüvvəyə minməsinə mane olan ilkin qərarı apellyasiya şikayətinə qədər ləğv etdi.

Beləliklə, müvəqqəti olaraq dayandırılan satış qadağası sabahdan etibarən davam edəcək.

Günel Məlikzadə
Fins.az