Sayt haqqında

Fins.az – 18 oktyabr 2013-cü ildə təsis edilmiş və fəaliyyət göstərdiyi müddət ərzində ölkənin aparıcı iqtisadi-media platformalarından birinə çevrilmiş ixtisaslaşmış xəbər portalıdır. Portal iqtisadiyyat, maliyyə və biznes sahəsində operativ, dəqiq və analitik məzmun təqdim edərək etibarlı informasiya mənbəyi kimi mövqeyini möhkəmləndirmişdir.

“Biznesin nəbzini tut!” devizi ilə fəaliyyət göstərən Fins.az maliyyə, sənaye, kənd təsərrüfatı, turizm, avtomobil, əmlak, nəqliyyat, İKT və digər strateji istiqamətlər üzrə gündəlik xəbərlər, təhlillər, müsahibələr və bazar icmalları yayımlayır. Portalın əsas prioriteti – obyektivlik, operativlik və peşəkar jurnalistika prinsiplərinə sadiqlikdir.

Fins.az dövlət qurumları, maliyyə institutları və biznes subyektləri ilə sıx əməkdaşlıq edərək ölkə iqtisadiyyatında baş verən yenilikləri geniş auditoriyaya çatdırır. Platforma iqtisadi maarifləndirmənin təşviqi, sahibkarlıq mühitinin inkişafı və ictimai rəyin formalaşmasına töhfə verməyi əsas missiyalarından biri kimi müəyyənləşdirmişdir.

Portal VT Company şirkətinə məxsusdur və şirkətin media, PR və kommunikasiya sahəsindəki peşəkar təcrübəsinə əsaslanaraq fəaliyyətini davam etdirir. Bu əməkdaşlıq Fins.az-ın strateji inkişafına, məzmun keyfiyyətinin yüksəldilməsinə və biznes auditoriyası ilə effektiv kommunikasiyanın qurulmasına mühüm töhfə verir.