KOBİA-da kadr dəyişikliyi: Samir Hümbətov İdarə Heyətinin I müavini təyin olundu

Finss.az - İqtisadiyyat Nazirliyi yanında Kiçik və Orta Biznesin İnkişafı Agentliyinin (KOBİA) İdarə Heyətində yeni təyinat baş verib.

Samir Hümbətov agentliyin İdarə Heyətinin I müavini vəzifəsinə təyin olunub.

Qeyd edək ki, Samir Hümbətov indiyədək KOBİA sədrinin müavini kimi fəaliyyət göstərirdi. O, bu vəzifədə bir qədər əvvəl Maliyyə Nazirliyinin Aparat rəhbəri təyin olunmuş Natiq Həsənovu əvəz edib.

Yeni təyinatın KOBİA-nın fəaliyyətinin daha da gücləndirilməsi və kiçik və orta biznes sektorunda islahatların sürətləndirilməsi məqsədi daşıdığı bildirilir.