Bu ilin yanvarında 7 788 körpə dövlət qeydiyyatına alınıb

Yanvar ayında Ədliyyə Nazirliyinin rayon və şəhər qeydiyyat şöbələri tərəfindən 7 788 körpə dövlət qeydiyyatına alınıb.

Fins.az xəbər verir ki, bu barədə Dövlət Statistika Komitəsi 2026-cı ilin yanvar-fevral aylarını əhatə edən makroiqtisadi göstəriciləri çərçivəsində məlumat verib.

Hesabata əsasən, 1000 nəfərə düşən doğum göstəricisi 2025-ci ilin müvafiq dövrü ilə müqayisədə azalaraq 9,9-dan 8,9-a düşüb.

Bildirilib ki, doğulan körpələrin 54,2 faizi oğlan uşaqları, 45,8 faizi isə qız uşaqları olub. Həmçinin yanvar ayında dünyaya gələn körpələrdən 286-sı əkiz olub.

Qeyd edilib ki, bu rəqəmlər ölkədə demoqrafik göstəricilərin izlənməsi və sosial siyasətin formalaşdırılması üçün əsas statistik məlumatları təmin edir.