Taxılyığan kombaynların satışı ƏDV-dən azad olunub

Nazirlər Kabineti “Əlavə dəyər vergisindən azad olunan bilavasitə kənd təsərrüfatı təyinatlı suvarma və digər qurğuların, maşınların, avadanlıqların və texnikaların, habelə onların ehtiyat hissələrinin Siyahısı”nda dəyişiklik edib.

Fins.az-ın xəbərinə görə, dəyişikliyə əsasən, taxılyığan kombaynlar və taxıl döyümü maşınları və ya mexanizmləri satışı ƏDV-dən azad olunan texnikaların siyahısına daxil edilib.

Kənd təsərrüfatında istifadə üçün nəzərdə tutulmuş pnevmatik qaldırıcılar və konveyerlər (səpələnən materiallar üçün), samanın tədarükü üçün digər maşınların satışı da ƏDV-dən azad edilb.