İqtisadiyyat naziri: Sənaye zonalarında 30 sahibkara rezident statusu verilib

İqtisadi Zonaların İnkişafı Agentliyinin (İZİA) yaradılmasından 2 il keçir. Bu dövrdə Agentliyin idarəçiliyində olan sənaye zonalarında 30 sahibkarlıq subyektinə rezident statusu verilib.

Fins.Az AZƏRTAC-a istinadən xəbər verir ki, bu barədə iqtisadiyyat naziri Mikayıl Cabbarov məlumat verib.

Nazir bildirib ki, bu rezidentlər tərəfindən təxminən 5,2 milyard manatlıq məhsul istehsal edilib. Bunun 1,9 milyard manat dəyərində olan hissəsi ixrac edilib.